Əhmədov Həsən Rəcəb oğlu

Həsən Əhmədov 1962-ci il fevralın 25-də Oğuz rayonunun Calut kəndində anadan olmuşdur. Orta təhsillidir. Təhsilini Calut kənd orta məktəbində almışdır. 1992-ci ildə hərbi xidmətə yola düşmüşdür. 1994-cü il aprelin 17-də Tərtər rayonunun Marquşavan kəndində gedən ağır döyüşlərin birində itkin düşmüşdür.

Həsən Əhmədov cəbhəyə yola düşərkən ailəli idi. Ailədə bir oğlu böyüyürdü. Əhmədov Məmməd Həsən oğlu. Hazırda Oğuzda yaşayır və işləyir. İki övlad atasıdır. Şəhidin həyat yoldaşı Validə xanım Calut kənd uşaq bağçasında işləyir, oğlunun ailəsi ilə birgə Oğuz şəhərində yaşayır.