Ramazanov İlham Rəhim oğlu

İlham Ramazanov 9 sentyabr 1971-ci ildə Oğuz rayon Kərimli kəndində doğulmuşdur. Kərimli kənd orta məktəbini bitirmişdir. Mingəçevirdə peşə məktəbində oxumuşdur. İ. Ramazanov 1992-ci ilin aqustun 9-da hərbi xidmətə göndərilmişdir.

Laçın rayonunun Su kəndi uğrunda gedən döyüşlərdə iştirak etmişdir. Qoçaz yüksəkliyi uğrunda gedən döyüşlərdə yaralı əsgər yoldaşını xilas etmək istəyərkən özü də düşmən tərəfindən vurulmuşdur. Bu yüksəkliyə ermənilər nəzarət etdiyi üçün meyidini döyüş zonasından çıxarmaq mümkün olmamışdır.

Hazırda Oğuz şəhərindəki küçələrdən biri onun adını daşıyır. Şəhidin anası Gülmayə xala Kərimli kəndində yaşayır.