İlyasov Kamil Məhəmməd oğlu

Kamil İlyasov 25 iyun 1972-ci ildə Özbəkistanda anadan olmuşdur. Özbəkistanda mehseti türklərinə qarşı keçirilən deportasiya siyasəti nəticəsində 1980ci illərin sonunda Azərbaycana gəlmiş, Oğuz rayonunun Böyük Söyüdlü kəndində məskunlaşmışdır. 1990-cı il dekabrın 5-də Oğuz Rayon Hərbi Komissarlığı tərəfindən ordu sıralarına göndərilmişdir. O, şəhid Əbubəkr Xəlilovla birlikdə hərbi xidmətə yola düşmüşdür. Eyni hərbi hissədə qulluq etmişlər. Əsgəri xidmətdə olarkən döyüş bölgəsinə göndərilmiş və 8 oktyabr 1992-ci ildə Fizuli rayonu uğrunda gedən doyüşlərdə hər ikisi eyni tarixdə həlak olmuşlar. Kamil İlyasovun Özbəkistandan başlayan həyat yolu Azərbaycanda şəhidlik zirvəsi ilə başa çatmışdır.

O, Böyük Söyüdlü kəndində dəfn olunmuşdur.