.png)
Elman Hüseynov 8 yanvar 1972-ci ildə Oğuz rayonunun Xalxal kəndində doğulmuşdur. 1979-1989-cu illərdə Ərmənət kənd orta məktəbində təhsil almışdır. Onun hərbi dərslərə və idmana böyük həvəsi olmuşdur. Orta məktəbi bitirdikdən sonra Mingəçevir şəhərində 69 nömrəli peşə məktəbində dülgərlik ixtisasına yiyələnmişdir.
1990-1992-ci illərdə Sovet Ordusunda hərbi xidmətdə olmuşdur.
Ermənilərin Qarabağdakı mənfur niyyətlərinə biganə qala bilməyib 1992-ci ilin iyul ayında Azərbaycan Ordusunda xidmətə, Qarabağ döyüşlərinə yollanmışdır. Ağdərə döyüşlərində şücaət göstərmişdir. Elə həmin döyüşlərin birində Ağdərə rayonunun Mehmana kəndində 9 fevral 1993-cü ildə şəhid olmuşdur.
Oğuz rayon Ərmənət kəndində dəfn edilmişdir.
Şəhidin adı əbədiləşdirilərək Ərmənət kənd tam orta məktəbinə verilmişdir.
Elman Hüseynovun atası Nüsrət dayı zəhmətkeş bir insan olub. 2012-ci ildə dünyasını dəyişmişdir. Anası Sürayə xala hazırda Ərmənət kəndində yaşayır. Böyük qardaşı Hikmət öz oğluna Elmanın adını vermişdir. Elman bu gün Azərbaycan ordusunda gizir kimi xidmət edir.
Comments