Dadaşov Şahin Tapdıq oğlu

Şahin Dadaşov 25 noyabr 1970-ci ildə Oğuz rayonunun Xaçmaz kəndində anadan olmuşdur. Kənd məktəbini bitirmişdir. Polşada hərbi xidmət keçmişdir. Sonra öz el-obasına qayıtmışdır.

Ş. Dadaşov vətən torpaqlarının başı üzərini qara buludlar alanda bir çox oğuzlu kimi o da silaha sarılmış, vətənin müdafiəsinə yollanmışdır. 864 saylı hərbi hissədə qulluq etmişdir. Ağdam döyüşlərində şücaət göstərmişdir. 1992-ci ilin yanvarın 25-də Güllücə kəndində gedən döyüşlərin birində şəhidlik zirvəsinə yüksəlmişdir.

Doğma Xaçmaz kəndindəki Şəhidlər xiyabanında dəfn olunmuşdur.

Atası Tapdıq dayı Xaçmaz kəndində yaşayır. Qardaşı oğlu hazırda şəhid əmisi Şahinin adını daşıyır.