.png)
Elşən Elbrus oğlu Əhmədli 11 iyul 1997 ci ildə Oğuz şəhərində anadan olmuşdur. 2003-cü ildə şəhid E.Abdullayev adına Oğuz şəhər 2 nömrəli tam orta məktəbə daxil olmuşdur. 2008-ci ildə təhsilini Oğuz şəhər 3 nömrəli məktəb-liseydə davam etdirərək, 2014-cü ildə məktəb-liseyi bitirmişdir. 2014-2018-ci illərdə Azərbaycan Texniki Universitetində Nəqliyyat və Logistika fakültəsi üzrə Bakalavr təhsili almışdır. Elşən Əhmədli 2019-cu ilin aprelində həqiqi hərbi xidmətə çağırılmış, Xüsusi Təyinatlı Qüvvələrin tərkibində hərbi xidmətini keçmişdir.
2020-ci il sentyabrın 27-də Azərbaycan və Ermənistan arasında başlanan 2-ci Qarabağ müharibəsinin ilk günlərindən cəbhəyə yola düşmüşdür. Bir sıra döyüşlərdə iştirak etmişdir. Şuşa uğrunda gedən döyüşlərdə vuruşmuşdur.
Elşən Əhmədli noyabrın 7-də Şuşa uğrunda gedən döyüşlərdə qəhrəmancasına vuruşaraq şəhidlik zirvəsinə yüksəlmişdir. Noyabr ayının 17-də Oğuz şəhərindəki Şəhidlər xiyabanında dəfn olunmuşdur.
Azərbaycan Respublikasının Prezidenti İlham Əliyevin 15 və 18 dekabr 2020-ci il tarixli Sərəncamları ilə Elşən Əhmədli “Vətən uğrunda” və “Cəsur döyüşçü” medalları ilə, 29 dekabr 2020-ci il tarixli Sərəncamına əsasən "Şuşanın azad olunmasına görə" medalı ilə təltif edilmişdir.
Comentários