.png)
Elman Babayev 1 noyabr 1994-cü ildə Oğuz rayonu Padar kəndində anadan olmuşdur. 2001-ci ildə şəhid Arzu Əliyev adına Padar kənd tam orta məktəbinin 1-ci sinfinə getmişdir. 2007-ci ildən təhsilini Oğuz şəhər 3 nömrəli məktəb-liseydə davam etdirmişdir. 2013-cü ilin yanvarında hərbi xidmətə yollanmış, 2014-cü ildə hərbi xidmətini başa vurub Oğuza qayıtmışdır. Müxtəlif sahələrdə işləmişdir.
2020-ci ilin sentyabrın 27-də erməni təcavüzkarlarının cəbhədə atəşkəsi pozması ilə başlanan müharibə ilə əlaqədar keçirilən səfərbərliklə cəbhəyə yollanmışdır. Sentyabrın 29-da Murovdağdakı gərgin döyüşlərin birində şəhid olmuşdur. Oktyabrın 4-də Oğuz şəhərindəki Şəhidlər xiyabanında dəfn olunmuşdur.
Cəbhəyə yollanarkən ailəli idi.Ümid adlı bir oğlu var. Doğulacaq qızını görmək isə Elman Babayevə nəsib olmadı.
Azərbaycan Respublikasının Prezidenti İlham Əliyevin 15 dekabr 2020-ci il tarixli Sərəncamı ilə Elman Babayev “Vətən uğrunda”, 29 dekabr 2020-ci il tarixli Sərəncamı ilə "Kəlbəcərin azad olunmasına görə", 30 dekabr 2020-ci il tarixli Sərəncamı ilə "Hərbi xidmətlərə görə" medalları ilə təltif olunmuşdur.
Comments