Mustafayev Rasim Ərziman oğlu

Rasim Mustafayev 28 mart 1990-cı ildə Oğuz rayon Xaçmaz kəndində anadan olmuşdur. 1996-2007-ci illərdə şəhid Vüqar İbrahimov adına Xaçmaz kənd 2 nömrəli tam orta məktəbdə təhsil almışdır. Azərbaycan Ordusunda həqiqi hərbi xidmət keçmişdir. Xidmətdən sonra kənddə yaşamış, işləmişdir.

27 sentyabr 2020-ci ildə başlanan Vətən müharibəsinin ilk günlərindən orduya çağırılmışdır. Rasim Mustafayev Murov ətrafında döyüşlərdə həlak olmuşdur.

2020-ci il oktyabrın 7-də Xaçmaz kəndindəki Şəhidlər xiyabanında dəfn edilmişdir.

Şəhidin Ayxan adlı bir övladı var.

Azərbaycan Respublikasının Prezidenti İlham Əliyevin 15 dekabr 2020-ci il tarixli Sərəncamı ilə Rasim Mustafayev “Vətən uğrunda”, 29 dekabr 2020-ci il tarixli Sərəncamı ilə "Kəlbəcərin azad olunmasına görə", 30 dekabr 2020-ci il tarixli Sərəncamı ilə "Hərbi xidmətlərə görə" medalları ilə təltif olunmuşdur.